NAGA CITY – Opisyal ng piglunsar sa probinsiya kan Camarines Sur an eGovph App asin eLGU sa pangengenot kan Department of Information and Communications Technology (DICT).
Sa nagin patara-patara ni June Vincent Manuel S. Gaudan, Director V kan DICT, sinaysay kaini magigin marekas na an pag-access kan government services sa paaagi kan piglunsar na eGovPH app asin an flagship program kaini na eLGU system.
Sigun ki Gaudan an eGovPH app na pigdesinyo kan Department of Information and Communications Technology an kaenot-enoting one-stop-shop platform na pig-streamlines an manlaen-laen na national asin local government services kun saen pigtutugutan an pag-access sa frontline services dawa saen asin anuman na oras.
An app na ini an igwang obheto na i-integrate an mga government priority projects siring kan agriculture, e-commerce, investments, travel, asin job creation. Saro sa mga serbisyo sa irarom kan app an eLGU, na pigkriar kan DICT sa paagi kan R.A. 11032 o an Anti-Red Tape Act of 2007, na magtatao sa mga Pilipino nin automated services na pigprovide kan partner local government units (LGUs).
An eLGU system pigtutugutan an mga Pilipino na ma-access an LGU’s website asin services na an obheto na makatipid sa paggamit nin oras asin resources.
Para man sa mga negosyo, an eLGU’s Business Permit and Licensing System (BPLS) pigtutugutan an mga business owners na mag- apply online para sa business permits asin licenses.
Mantang para man sa mga indibidwal na kaipuhan an manlae-laen na sertipikasyon, an Local Civil Registry pwedeng ma-access an online application for birth certificates, marriage certificates, asin death certificates.
Sa pangkabiluhan an obheto kan nasambitan ng app an mapakusog an seguridad asin magkriar man nin mas magayon asin salbadong komunidad para sa gabos.
