Matapos an dominanteng kapangganahan ni Pinay tennis star na si Alex Eala laban ki Mary Stoiana sa Round 1 kan US Open, 6-1, 6-2, sunod na hahampangon kan Filipina tennis star an Ukrainian na si Oleksandra Oliynykova sa Round 2.
Marikas na tinapos ni Eala an saiyang enot na laban pagkatapos na makontrol an duwang set laban ki Stoiana. Sa iskor na 6-1, 6-2, ipinahiling kan 20-anyos na Pinay an saiyang agresibong pag-aling asin kalmado tanganing maseguro an pwesto sa ikaduwang round kan prestihiyosong torneo.
An saiyang masunod na laban magigin mas nakakapukaw pa nin huli ta ini sarong rematch sa pag-ultanan niya asin ni Oliynykova, si Eala asin Oliynykova an huring nag-atubang sa Strasbourg, kun saen an Ukrainian nanggana sa sarong mahiwas na laban na tulong set, 3-6, 7-5, 6-3.
An saindang Round of 64 na laban ikukundusir sa Louis Armstrong Statidium sa cuidad nin Nueva York sa Setyembre 3, 2026, sa alas 11 nin banggi, oras sa Pilipinas.
