Pig-apod kan Employers Confederation of the Philippines (ECOP) na counterproductive asin pwedeng makaapektar sa ekonomiya an prosopwestong dugang na P200 across-the-board sa aldawan na sweldo kan mga obrero kan pribadong sektor.
Sigun ki ECOP President Sergio Ortiz-Luiz Jr, na magayon ini alagad pira sa an mabebenipisyuhan kaini.
Kadakol na mga obrero soboot ngunyan an nasa informal sector.Labi sa kabangang mga negosyante sa nasyon an nasa micro and small enterprises kaya masakit sa sainda an pag-implementar kan dugang na P200 sa aldawan na sahod sa mga obrero kaini.
Maresulta sana ini sa paglangkaw kan presyo kan mga produkto kan mga negosyante o mas magabat an pagbabawas kaini nin mga personahes.
An magayon na sana digde an ipigpaubaya an desisyon sa mga regional wage board kun saen pigbilog ini kan gobyerno, employers asin mga obrero.
Marurumdumang pig-aprubahan na kan House Committee on Labor and Employment an prosopwestong P200 across-the-board increase sa aldawan na sweldo kan mga obrero sa pribadong sektor.
