Kumpiyansa si DEPDEV Secretary Arsenio Balisacan, na malago an ekonomiya kan Pilipinas nin 5–6% ngunyan na 2026 asin sa masunod pang duwang taon.
Sinaysay ni Balisacan, nagtitinir na pangenot na tagapaghatak nin paglago an konsumo, na sinusuportaran kan employment asin remittances, mantang nangingibabaw sa supply side an sektor kan serbisyo.
Sigun sa sekretaryo, nilalaoman man na mabawi an consumer confidence makalihis magluya an paggasta sa ikatulong quarter.
Dugang pa ni Balisacan, nagtitinir na hababa an inflation sa 1.7%, padagos na nagbababa an interest rates, asin mas marahay kaysa nilalaoman an kamugtakan kan pankinabang kalakalan.
Huli man digde, nilalaomang matinir na matatag an paglago kan ekonomiya, orog na sa ikaduwang quarter kan taon.
