Pigpaliwang kan sarong Psychologist an mga sintomas, pagbolong, asin paglikay sa depresyon asin anxiety.
Sa intrevista kan Bombo Radyo Naga ki Faith Frances Miranda – Psychologist and Field Traumatologist, sinabi kaini na an mga sintomas nin depresyon iyo an halawig na kamunduan, pagkawara nin interes sa mga aktibidad na dati nang naoogma, kapagalan, asin pagbabago sa pagturog asin pagkakan.
Mientrastanto, an kahaditan pwedeng magin kawsa nin labi-labing anxiety, takot, asin kadepisilan sa pagtorog.
Ipinaliwanag ni Miranda na an mga kondisyon na ini pwedeng ikonektar sa Cognitive Behavioral Therapy (CBT).
Pigtawan-duon kaini an importansya kan pagkonsulta sa sarong propesyonal sa Mental tanganing madeterminaran an tamang diagnosis asin tamang pagbolong.
Kabale sa mga bagay na pwedeng gibohon tanganing mapagdanay an salud nin isip iyo an pagtorog nin bastante, pagkakan nin balanseng pagkakan, regular na paglakaw, pag-ehersisyo sa paghangos, asin pakikipag-olay sa mga pinagtitiwalaan na tawo. Makakatabang man an psychotherapy asin mga bulong na pigreseta nin sarong Psychiatrist.
Inenkaminar ni Miranda an pamilya asin mga amigo na maghinanyog asin saboton an mga nakakaeksperyensya nin depresyon asin kahaditan imbes na husgaran an saindang mga namamatian. Tinawan niya nin duon na igwa nin paglaom para sa pagrahay sa tabang kan magkakanigong pagbolong asin padagos na suporta.
