Nagpadara an El Salvador nin labi sa 2,000 soldados sa Haiti bilang parte kan sarong misyon tanganing iligtas an apat nindang kababayan na naiulat na nawawara.
Personal na kinaulay ni El Salvador President Nayib Bukele si Haitian Prime Minister Alix Didier Fils-Aime manungod sa nasabing misyon.
Matabang man an mga sundalo sa pagpatupad nin seguridad sa Haiti kontra sa mga gangs.
Naglangkaw an tensyon sa pagultanan kan duwang nasyon huli sa pagkawara kan apat na air force technicians na nagtatrabaho bilang parte kan sarong anti-gang organization sa Haiti.
Pabalik na an apat na sundalo kaiba an Gang Suppression Force (GSF) sa saindang base kan bigla sindang inambush asin dinukot.
Mayo pa nin grupo an nag-ako kan responsibilidad sa nasabing insidente.
An mahiwas na operations na ini sinusuportaran kan manlain-lain na nasyon asin nagkapirang international organizations.
