Nag-sugo an National Capital Region Police Office (NCRPO) officer-in-charge na si Brig. Gen. Christopher Abrahano sa mga kapulisan nin higot na pagbantay sa mga lugar na dinadayo kan dakol na turista.
Ini kasunod kan nagkapirang krimen kun sain an mga biktima mga dayuhang turista sa siyudad kan Maynila asin Parañaque.
Tiniyak ni Abrahano sa mga dayuhang turista an marikas na aksyon kan kapulisan kontra sa manlain-lain na crime groups.
Kasabay man kaini, dapat doblehon kan mga kapulisan an saindang presensya sa mga tourist destinations, simbahan, hotels, asin commercial establishments.
Magigirumduman na nabiktima nin pagholdap an sarong South Korean national mantang naglalakaw sa siyudad kan Parañaque, kun sain naaresto man an sarong suspek sa follow-up operations sa Sta. Cruz, Manila, mantang padagos na piggagadan an duwa pang iba.
Mientrastanto, biktima man kan ‘Ativan Gang’ an sarong Chinese tourist harani sa San Agustin Church, kun sain limang suspek na an naaresto.
