Pigheras kan aktor na si Epy Quizon, aki kan yumaong si Comedy King Dolpy na hasta sa ngunyan padagos ining nakakareseber nin allowance gikan sa saiyang ama.
Sigun sa aktor, puon kaidto hasta sa ngunyan, dae napuputol an allowance na pigtatao kan saiyang ama maski nagtalikod na ini sa kinaban 13 taon na an nakakalihis.
Dugang pa kan ni Epy, na gabos sindang magturugang an nakakareseber kan saindang heras gikan man sa legasiya na winalat kan saindang ama.
Katakod digde, sa paglihis soboot kan mga taon, pasadit nin pasidit an saindang narereseber orog na ta nagdadakula man an saindang pamilya.
Piglinaw man kan aktor na maski igwa sindang mga negosyo, bako man soboot sindang mayaman siring kan paglaom kan ibang tawo.
Mientrastanto, pig-omaw man ni Epy an saiyang tugang na si Eric Quizon, na iyong nagmamanehar o nag-aasikaso sa winalat kan saindang ama.
