Pig-ako ni Esnyr Ranollo na an pagdakula sa saro soboot unwelcoming community komo gay kid an dae nagin madali sa saiya.
Sigun sa Pinoy Big Brother Celebrity Collab Edition third placer, aki pa sana ini kinaipuhan nang piriton an sadiri na patunayan an saiyang importansya.
Nagin sala soboot ini sa mata kan mga tawo sa saindnag probinsya na dinakulaan, kaya man nag pursige na magbawi sa saiyang pagklase. Pinapatunayan kaini an saiyang sadiri dawa na dae aram kun tano kaipuhan na i-pressure an sadiri.
Sigun ki Esynr, dae ini nagkaigwa nin tyansa na mag open up saiyang magurang sa saiyang kasarian huli sa takot sa rejection.
Nagkaigwa soboot ini nin pagmati na dae ini maaako kan saiyang mga magurang oras na masabi kaining bakla ini. Dugang pa ni Ranollo, kansuarin sana ini garu nagin malaya sa pag hayag sa sadiri huli sa labing pagkatakot.
Marurumdumang an nasambitan ng TikTok star, na nagin sikat huli man sa maka ogma na school-themed skits, pigheras na naeeksperyensya kaini an manlaen-laeng mga huma sa pagbilog nin mga videos kan ini nagpuouon pa sana.
Nagpuon ini sa saiyang mga posts sa Tiktok kan nakalihis pang pandemya asin man nagkaigwa nin mga panahon na nagibong itago sa mga magurang an saiyang pag sho-shoot nin contents.
Alagad dae naghaloy, kan maaraman na ini kan saiyang pamilya, garu haros nabunutan nin tinik sa halunan si Esynr orog na ta mas nagin supportive pa soboot ini sa saiyang craft.
