Kumpiyansa si Senador Jinggoy Estrada na mayong pagmamalabis na ginibo an Senado makalihis patawan nin contempt si dating DPWH Engineer Brice Hernandez.
An pahayag ni Estrada an kasunod kan kasuguan kan Pasay City Regional Trial Court na magsumiter nin simbag an Senado sa writ of amparo na pigsunad ni Hernandez.
Sigun sa senador, naayon sa constitutional mandate asin jurisdiction kan Senado an pagpapataw nin kaukulang padusa sa mga nag-uutik na resource person sa pagdangog.
Importante soboot tawan-duon kan halangkaw na kapulungan an kapangyarihan kaini tanganing mamantinir an integridad kan mga imbestigasyon asin mapangatamanan an interes kan publiko.
Dugang pa ni Estrada, bako ini an enot na pagkakataon na nagpakulong an Senado kan mga na-cite in contempt kan Blue Ribbon Committee, siring sa kaso ni Jean Arnault kan nakalihis na taong-1950s, asin kasuarin sana kina dating Customs Commissioner Nicanor Faeldon asin Linconn Ong sa imbestigasyon sa Pharmally.
Kaya man nagtutubod si Estrada na mayong nagin pagmamalabis an Senado sa paggamit kan nasambitan ng kapangyarihan.
