NAGA CITY- Inabswelto kan Department of Justice (DOJ) si ex-Caramoan, Camarines Sur Mayor Constantino Cordial sa isyu kan mega shabu laboratory na nadiskubre sa Barangay Palta Small, Virac, Catanduanes.
Sa intrevista kan Bombo Radyo Naga ki Cordial, maogma ini sa nasambitang desisyon kan DOJ asin sinaysay na pigpapasa-Diyos niya na sana an mga tawong nagbugtak saiya sa kontrobersiya.
Dugang pa kaini, darakulang tawo man an mga ini kun kaya dae na siya masangat nin kaso.
Liwat man na tinawan duon ni Cordial na anas pamumulitika sana an pagkaka-imbwelto kan saiyang pangaran sa shabu laboratory.
Kun marurumduman, inakusaran an dating alkalde nin pagpapagamit kan saiyang speedboat tangani na mai-biyahe an mga sangkap sa paggawa ng shabu gikan sa banwaan nin Caramoan pasiring sa probinsya nin Catanduanes.
Napabale man an saiyang pangaran sa Caramoan drug matrix na ibinuyagyag ni Camarines Sur 4th District Rep. Noli Fuentebella na dating kaalyado ni Cordial.
