Liwat na sinuspende kan Bureau of Internal Revenue (BIR) an pagkokolekta nin excise tax sa liquefied petroleum gas (LPG) asin kerosene poon kasuudma Setyembre 28, 2026, sa paagi kan Revenue Memorandum Circular No. 100-2026.
An nasabing lakdang iyo an uyon sa Executive Order No. 125 na pinirmahan ni Pangulong Ferdinand R. Marcos Jr. kan Setyembre 25 sa irarom kan Republic Act No. 12316 tanganing magtao nin temporaryong ginhawa sa mga konsumidor.
Ipinaliwanag ni BIR Commissioner Charlito Martin R. Mendoza na ipinautob an suspensyon matapos kumpirmahon kan Department of Energy (DOE) na umabot sa US$99.41 kada bariles an average na presyo kan Dubai crude oil poon Agosto 13 sagkod Setyembre 11, na nalampasan an US$80 threshold kan ley.
Sa irarom kan bagong orden, ganap na sarado an excise tax sa LPG—liban na sana kun gagamiton ini bilang raw material sa petrokimikal o panggatong sa sasakyan—asin bilog na isinuspinde man an buwis sa kerosene maliban kun gagamiton na panggatong sa eroplano.
Awtomatikong mabalik an regular na singil sa buwis kun bumaba giraray sa US$80 kada bariles an presyo kan langis sa laog nin sarong semana matapos an sertipikasyon kan DOE, o kaya man paglihis nin tulong bulan poon sa pagigin epektibo kan kautusan.
Magigirumduman na enot na nagpatupad an BIR nin kaparehong suspensyon kan Abril 17 alagad binawi ini kan Hulyo 8 kan bumaba giraray an pankinaban na presyo kan petrolyo.
