Labi na naapektaran mga tanuman kan paroy huli sa mga nakalihis na bagyo sa nasyon.
Sigun ki Engr. Rosendo So, Chairman kan Samahang Industriya ng Agrikultura, nababad sa baha an mga paroy kaya nagbagsak an kalidad kaini.
Huli digde, an farm gate price kan paroy an nasa tahaw sana kan P7 hasta P8 kada kilo.
Alagad maski igwang mga amay na nag-ani nagtitinir na hababa pa man giraray an presyo kan paroy.
Dae man soboot mabenta kan National Food Authority (NFA) an saindang bagas maski mas hababa pa an presyo kaini kumparar sa mercado.
Huli digde, pighurot ni So na dapat ilangkaw an taripa sa imported na bagas tanganing masolusyonan an problema sa hababang presyo kan paroy.
An makokolekta soboot na taripa an dapat mapasiring mismo sa mga paraoma.
Dae pa man soboot nakatabang an paramientras na pagbabawal sa pag-angkat kan imported na bagas huli sa mga trader asin miller an nagbabase pa man sa landed cost kan imported na bagas.
Mientrastanto, piglalaoman na dakulang volume kan paroy an aanihon sa bulan kan Oktubre.
Medyo nagbaba man soboot an presyo kan orig, kun saen ini an nasa P200-210 kada kilo para sa live weight.
Matatag man an presyo kan bangus na nag-abot sa P130 kada kilo. Mayo pa man darakulang pagbabago sa presyo kan mga gulay.
