Mabalik giraray sa nasyon an Filipino-British na parakanta-parasurat na si Beatrice Laus, o mas bisto sa saiyang stage name na “beabadoobee,” para sa Manila leg kan saiyang ‘The Powerlines Tour’ sa maabot na Abril 13, 2027.
Nakatalaang mag-perform an parakanta sa SM Mall of Asia Arena sa Pasay City, segun sa anunsyo kan lokal na event organizer kan nasabing konsyerto. Mapuon an presale kan saiyang concert tickets sa Oktubre 12 asin an general sale sa Oktubre 15.
An saiyang tour kasunod kan debut kan saiyang ika-apat na album na “Pylon” na na-release kan nakaaging bulan nin Setyembre.
Tubong Ilongga, an saiyang maabot na konsyerto sa 2027 magigin saiyang ikatulong pagkakataon na makapag-perform para sa mga Filipino fans, kun sain huri ining nagbisita sa nasyon kan 2022 asin 2025.
