Nagtapos sa ika-54 na pwesto si Filipino Olympian asin alpine skier Francis Ceccarelli sa men’s giant slalom event sa 2026 Winter Olympics.
Sa saiyang enot na run, nagrehistro si Ceccarelli nin oras na 1:27.36 tanganing ma-ranggo sa ika-57, asin nagmunod man an 1:20.87 sa panduwang run, na nagbugtak sa saiya sa ika-53 sa run na.
Sa kabilugan, an saiyang combined time an igwang 2:48.23.Naipuli man ni Brazil’s Lucas Pinheiro Braathen an ginto na nakapagrehistro nin total time na 2:25.00.
Nagsunod si Switzerland’s Marco Odermatt sa 2:25.88, mantang an parehas na Swiss na si Loïc Meillard an nagbulsa kan bronze sa 2:26.17.
Masunod na malaban si Ceccarelli sa slalom event sa maabot na Lunes. Mientrastanto, an kaparehas kaini na Filipino skier na si Tallulah Proulx an nakatalaan na magpartisipar sa women’s giant slalom ngunyan na Domingo asin slalom event sa Miyerkules.
An pagpartisipar ninda Ceccarelli asin Proulx an parte kan padagos na pagsabak kan Pilipinas sa mga Winter Olympic competitions, na nagtataong dalan para sa mga joven na atleta na magin inspirasyon sa nasyon.
