Pigpuonan na kan Commission on Elections (Comelec) an final stage sa pagsusuri kan Automated Counting Machines (ACMs) na gagamiton sa May 12 elections sa manlaen-laeng parte kan nasyon.
Antes an halalan, pigtalaan kan Mayo 2 hasta Mayo 7 sa pagsasagibo nin FTS kan mga miyembro kan electoral board kan ‘end-to-end’ test kan mga makina.
Enot na pigsagibo an FTS sa Pateros Elementary School na apwera sa mga opisyal kan poll body, sinaksihan man kan citizens arms, poll watchers, foreign observers asin man mga mamamahayag.
Pagkatapos kan FTS ay saka man seselyuhan an ACMs asin man ilalagay sa Office of the Department of Education Supervisor Official tangani pangatamanan kan Philippine National Police (PNP) asin Armed Forces of the Philippines (AFP) hasta sa aldaw kan halalan.
Sinaysay ni Comelec Chairman George Erwin Garcia na sa oras na mailaog an smart card kan electoral board members ay gagana an mga makina.
Pinahiling na importante na maagi muna an makina sa initialization kun saen kaipuhang magluwas ini nin resibo na nagpapahiling na mayo nin karga o laman na boto an makina.
Kan ilaog man an balota ay pig ako kan makina asin mayo nin ano man nahiling na aberya, apwera sa paper jam.
Sinaysay ni Garcia na mas marikas an FTS ngunyan kumparar sa mga nakalihis na eleksyon nin huli ta napaka-user friendly kan nasambitan ng ACM.
