NAGA CITY- Pig-amyendaran kan LGU-Calabanga an saindang fisheries code makalihis an 21 taon.
Sa nagin paghampang sa mga kagawad kan media ni Adonis Aguilar Jr, an Municipal Councilor kan LGU-Calabanga, sinaysay kaini na pigpasar sa Sangguniang Bayan kan Calabanga sa irarom kan Comittee on rules katuwang an committe on agriculture and fisheries an pag-amyenda sa saindang fisheries code na 2003-04.
Sigun ki Aguilar, obheto kan nasambitan ng lakdang an tanganing maproteheran an saindang Municipal waters para sa mga masunod na panahon asin henerasyon.
Dugang pa kan opisyal, sa paagi kan pag-amyendar kan nasambitan ng fisheries code, mas ma-incorporate an RA 10654 o an fisheries code kan National.
Pigtawan duon pa kaini na mas pinamarhay pa katabang an fisheries management unit asin municipal agriculture office an pagproteher sa saindang nasasakupan na kadagatan.
Marurumduman, sa banwaan kan Calabanga, welcome an gabos na magsira, kaipuhan sana na i-comply an mga probitions o requirements na pighahagad kan LGU asin an mga ini an tutugutan na magsira maski pa bakong taga-Calabanga.
Katakod digde, sa irarom kan pag-amyendar sa saindang fisheries code, bawal na magsira an mga bakong taga Calabanga.
Apwera digde, bawal naman an mga barakulang baruto asin trolls tanganig maproteheran an mga corals, sira asin maproteheran an saindang kadagatan.
Pigsaysay pa kan opisyal na aram ninda enkaso igwang mag nag-ooperate na dakulang mga baruto nin huli ta igwa soboot sindang monitoring kan mga sira na nakukua asin regulated man an saindang barangay.
Sa ngunyan, pigsierto na sana ni Aguilar na padagos an pagbilog kan LGU-Calabanga nin mga programa na mkakatabang sa saindang mga residentes asin pigkukuanan nin kabuhayan.
