Pigsierto kan National Economic and Development Authority (NEDA) na nakatutok sinda sa kinahahandalan na epekto kan La Niña phenomenon sa supply kan pagkakan sa nasyon.
Sa hampang ini kan nakabandera na La Niña watch o posibilidad na pagkakaigwa nin matinding mga pag-uran sa mga masunod na bulan.
Sigun ki NEDA Secretary Arsenio Balisacan, puspusan an pagpreparar kan gobyerno sa onset kan La Niña ngunyan na Agosto.
Enot nang pighayag kan Philippine Statistics Authority (PSA) an pagsirit kan inflation rate sa 4.4 percent kan hulyo gikan sa 3.7 percent kan June.
Piglunsar na man kan Department of Agriculture (DA) an Rice for All Program na obhetong magbakal nin mas baratong bagas sa publiko.
