Naglangkaw an foreign debt payments kan Pilipinas nin 4.8 % pasiring sa $6.21-B poon Enero sagkod Mayo, segun sa Bangko Setral kan Pilipinas. Ini $283-M na mas halangkaw kisa $5.93-B kan nakaaging taon.
An mga bayad sa prinsipal uminabot sa $3.01-B, mantang an mga bayad sa interes buminagsak sa $3.2-B. Ini nagpapahiling na an paglangkaw kan mga pagbayad kan principal nagkaigwa nin mas dakulang epekto sa total na serbisyo sa utang.
Sinabi kan mga ekonomista na an paglangkaw mayormenteng huli sa nakatalaan na mga maturidad kan utang asin bakong senyales nin pinansiyal na kasakitan. Nagtutubod sinda na kaya pa kan nasyon na maabot an mga obligasyon kaini huli sa supisyenteng reserba asin padagos na paglaog kan dolyar.
An serbisyo sa utang komo parte kan mga export buminagsak sa 21.6%, gikan sa 22.4% kan nakaaging taon. Mientrastanto, an ratio kaini sa mga export, serbisyo, asin primary na kita nagdanay sa 9.3%.
Mientrastanto, an total na utang sa luwas kan nasyon naglangkaw nin dikit sa $147.35-B kan katapusan kan Marso. An utang kan pampublikong sektor naglangkaw, mantang an panluwas na utang kan pribadong sektor nagbaba.
