Nagkusog pa asin nagin severe tropical storm an pigbabantayan na bagyong “Fung-wong” mantang nakakaapektar an Northeast Monsoon sa Extreme Northeastern Luzon.
Sigun sa Philippine Atmospheric, Geophysical and Astronomical Services Administration (PAGASA), nasa luwas pa kan Philippine Area of Responsibility an pigbabantayan na bagyo.
Nahiling an lokasyon kaini sa may 1,525 kilometers sirangan kan northeastern Mindanao.
Igwa ining taglay na kusog kan duros na nag-aabot sa 95 kilometers per hour asin pagbugso na hasta 115 kph.
Advertisement
Naghihiro ini norteng-sulnupan sa rekas na 10 kph.
Enkaso makalaog na sa PAR an bagyo ini an aapudon na bagyong Uwan.
Advertisement
