NAGA CITY – Ibinuyagyag ngunyan ni Garchitorena Mayor Nelson Buesa na antes pa man an nangyaring pananambang saiyang tropa kasubagong mag-umagahon, igwa na ining nareresibing huma sa buhay.
Sigon ki Buesa, may mga pigbabayadan na an saiyang mga kalaban tanganing takuton ang saiyang grupo asin mga taga suporta.
Katakod kaini, sigon sa alkalde, tulos man siyang naghagad nin police security.
Sa ibong kaini, tinawang duon kan opisyal na dawa saro sa pighihiling ngunian na anggulo an pulitika , alagad ipapaubaya na sana soboot niya sa mga otoridad an mga masunod na lakdang.
Magigirumduman na pasado ala-1:30 kasubagong maumagahon kan tambangan an alkalde mantang kaibanan an pamilya kaini asin an nagdadalagan komo bise alkalde sa kalabaan kan tinampo sa Barangay Toytoy Garchitorena.
Maswerte man na mayong tinamaan sa pananambang.
