Nangapudan si Senate Committee on Finance Chairman Senador Sherwin Gatchalian na tolos pakarhayon an mga classrooms na naraot kan magkasunod na kalamidad puon Hunyo hasta Oktubre ngunyan na taon, tanganing malikayan an orog pang paglala kan kakulangan sa mga eskwelahan sa nasyon.
Pigtawan-duon kan senador na dapat maghiro nin marekas an gobierno huli ta igwang posibilidad na magdakula pa an presenteng kakulangan na nag-aabot sa 165,000 classroom kun mapauktaba an mga pagpapakarhay.
Pigpunto man kaini an importansiya kan pusog asin panghaluyan na edificio kan eskwelahan, orog na sa mga lugar na perming pig-aagihan kan bagyo asin lindol.
Obheto kan saiyang pangapudan na masierto na dae mauuktaba an pag-aadal asin orog pang mapamarhay an kasalbaduhan kan mga estudyante sa bilog na nasyon.
