Gagamiton kan Gilas Pilipinas an papartisiparan kaining friendly games komo pagpareparar sa FIBA Asia Cup 2025 Qualifiers.
Mahali an Gilas pasiring Doha sa Pebrero 13 tanganing magpartisipar sa International Friendly Basketball Championship sa Qatar.
Puon Pebrero 14 hasta 16 an kawat na babalihan kan host country sa Qatar, Egypt, Lebanon asin Pilipinas.
Makakaibahan kaini si Troy Rosario na iyong nagribay sa injured player na si Kai Sotto.
Tiwala si Gilas coach Tim Cone sa 6-foot-6 na si Rosario na kayang darahon an koponan asin naglalaom ining mapipili ini sa final roster.
Kaibahan kaya si Rosario kan manggana nin tolong gintong medalya an Gilas sa Southeast Asian men’s basketball.
Enot nang makakahampang kan Gilas sa FIBA Asia Cup 2025 Qualifiers an Taiwan sa Pebrero 20 mantang an New Zealand sa Pebrero 23.
