Sasabak ngunyan na Martes, an Gilas Pilipinas Women sa FIBA Women’s Olympic Pre-Qualifying Tournament sa Guadalajara, Mexico.
Ini para mapakusog an saindang tyansa na maka abot sa 2028 Los Angeles Olympics.
Ini man an enot na major competition kan Philippine Women’s National Basketball Team sa irarom kan bagong head coach na si BT Toews.
Nasa Group B an Pilipinas kaiba an world No. 7 Canada, No. 22 Senegal, asin host country kaini na Mexico na nasa No. 31 world ranking.
Nasa Group A man an Brazil, New Zealand, Argentina asin South Sudan.
Iskedyul kan Gilas Pilipinas Women:
Agosto 18, 10:30 a.m. — Pilipinas vs. Mexico
Agosto 20, 7:30 a.m. — Pilipinas vs. Canada
Agosto 21, 7:30 a.m. — Pilipinas vs. Senegal
Masakat sa masunod na round an top two teams hali sa kada grupo, mantang an overall champion kan torneo an makakakua kan puwesto sa Olympic qualifiers.
Kabali sa roster ng Gilas Pilipinas Women sina Vanessa De Jesus, Afril Bernardino, Kent Pastrana, Janine Pontejos, Angel Surada, Louna Ozar, Jack Animam, Sophia Dignadice, Jhaz Joson, Alyssa Rodriguez, Monique del Carmen asin Kacey Dela Rosa.
