Aram baya nindo mga ka-bombo, sarong 55-anyos na ginang an makamundong nawara an saiyang duwang kapot makalihis na atakehon kan pating mantang nasa bakasyon sa Turks asin Caicos islands.
Susog sa report, an nasambitan ng ginang na gikan sa Canada an pigreport na pigpupurbaran na kuanan nin ladawan an pating na igwang laba na nagpapakol sa 6-feet sa hababaw na parte kan kadagatan na sakop kan Turks asin Caicos Islands kan bigla ining atakehon.
Tolos na nagkurahaw an biktima na nakakua man sa atensyon kan saiyang agom.
Mayong takot na pigsalbar an ginang kan saiyang agom makalihis na matrayumpong mapahali an pating pabalik sa hararom na parte kan dagat.
An nasmabitan ng insidente an nangyari kan nakalihis na Pebrero 7 kun saen pigdara man tolos sa haraning ospital an ginang alagad mayo na soboot naginibo an mga doktor sa saiyang duwang kamot. Kinaipuhan na dagusang putulon an mga ini huli sa malalang lugad na sinapo sa pag-atake kan shark.
Sigun man sa sarong parasisira asin conservationist posibleng nagin rason sa pag-atake kan pating an ginamit na smartphone kan Ginang.
