Nangapudan an World Health Organization (WHO) nin pangkinaban na pagbabawal sa mga flavored na tobacco asin man nicotine products huli sa peligro kaini sa salud kan kaakian.
Kasabay kan World No Tobacco Day kan nakalaihis na Mayo 31, iniluwas kan WHO an report na nagpapahiling kun pano piggagamit an mga lasa siring kan menthol, bubble gum, asin cotton candy tangani makaakit nin kajovenan.
Sigun sa WHO, an mga flavor asin marketing strategy siring kan click-on filters an nagpapakusog kan adiksyon.
Bagaman malabi sa 50 nasyon an may ban na sa flavored tobacco, nangapudan an WHO nin mas mahigot asi pangkinaban na regulasyon tangani mapugulan an naglalalang krisis sa salud.
Advertisement
Advertisement
