Proud si Grand Slam champion Rafael Nadal sa trayumpo ni Alex Eala na nakasierto na nin tiket sa semifinals kan Miami Open na pigkukundusir sa Miami, Florida.
Nagpost kaya si Nadal sa saiyang social media account tanganing ipaabot an saiyang pagbati ki Eala.
Marurumduman, nagtao nin mensahe si Nadal makalihis na daugon ni Eala si world No. 2 asin five-time Grand Slam champion Iga Swiatek kan Poland sa quarterfinals kasuudma.
Close si Eala ki Nadal huli ta nag-training si Eala sa Rafael Nadal Academy sa Mallorca, Spain na iyo man an naghubog sa saiyang talento komo tennis player.
Pirang taon man an itinao kaini sa Rafael Nadal Academy tanganing mas orog pang mahasa an talento kaini.
Sa paglaog ni Eala sa semis, makakasierto na ini kan nasa $332,160 o labi P19 milyon an pinakadakulang prize money na marereseber ni Eala sa saiyang tennis career.
