Aram baya nindo mga ka-bombo, sarong 20-anyos na lalaki na gikan sa India an pig-akusaran na nagtanan kaibahan an saiyang 40-anyos na magigin biyenan 9 na aldaw antes an saiyang kasal.
Susog sa report si Rahul asin Shivani, magka-ilusyon gikan sa Aligarh, sa Uttar Pradesh state kan India an nakatalaan kuta na ikasal sa April 16.
An mga imbitasyon an naitao na asin an saindang mga kaparientes an nagkumpirmar na maatender.
Alagad, siyam na aldaw antes an saindang kasal nagbungkaras an dakulang problema, an groom an nakamate soboot nin cold feet asin biglang nawara.
Ini an napag-araman na nakipagtanan kaibahan an 40-anyos na Ina kan saiyang magigin agom.
An mas dakula pang problema, bitbit kan duwa an savings ni Rahul asin Shivani siringman an family savings kan bride.Sigun ki Shivani asi ama kaini, sainda na soboot napapansin an kakaibang relasyon sa pag-ultanan ninda Rahul asin Anita an saiyang Ina alagad pigpasara.
An ama ni Shivani na si Kumar an sarong negosyante gikan sa Bengaluru asin pirmeng mayo sa saindang harong kung kaya pirmeng nakakaulay kan sayang agom an ilusyon kan saindang aki.
Mientrastanto, nagsunad naman nin reklamo an duwa sa lokalna otoridad tanganing maaraman an kinamumugtakan kan mga ini.
Sa ngunyan, kamawotan na sana ni Shivani asin ama kaini na maibwelta an kwarta asin mga alahas na pigdulag kan duwa.
