Aram baya nindo mga ka-bombo, kasuarin sana naarestrar kan Turkish police an network kan mga scammers na nagsasamantala sa kamawotan kan ibang mga tawo na magyaman sa paagi kan pagpabakal sa mga ini nin pekeng treasure maps.
Susog sa report, komo sarong komplikadong operasyon na pigkundusir sa 9 na probinsiya kan Turkey, kadakol na mga con artist an nagtarabangan tanganing mabiktima an mga nagkapirang indibidwal kan nasa 50 million Turkish lira o $1.3 million gamit an pekeng treasure maps.
An mga nasambitan ng suspek an nagpapasiring sa mga rural areas kan nasyon asin pigpapahiling an mga gibo sa kamot na treasure maps sa artificial na lumang pidaso kan papel. Gamit ini saindang pigpapatubod an mga residentes na sa paagi kan treasure map na ini sinda an mayaman tolos.
An mapa an labing detalyado asin pigpapahiling an mga haraning lokasyon na an mga biktima an pamilyar.
Katakod digde, kadakol an mga imbweltong scammers sa panloloko na ini na kun saen nagpakol sa kadakol na tawo an nabiktima.
Huli digde, naka-abot sa mga pulisya an siring na modus na tolos man nagkundusir nin imbestigasyon tanganing maaraman kun siisay an mga imbweltong tawo.
Sa ngunyan, dagusan man na nadakop an lider kan grupo asin mga kasabwat kaini na mahahampang sa magkakanigong kapadusahan.
