Liwat nag-apelar an grupong EcoWaste Coalition sa mga kandidato ngunyan na eleksiyon na ikonsiderar an kapalibotan sa panahon kan pagsasagibo ka pangangampanya.
Ginibo kan grupo an pangapudan kasabay kan nakatalaan na pagpuon kan campaign period para sa eleksiyon ngunyan na taon.
Sigun sa grupo, sinda an kasaro kan Commission on Elections sa pagbubusol kan responsableng pangangampanya ngunyan na eleksiyon.
Nangapudan man an grupo sa mga kandidato na likayan an sobra-sobrang pagpo-produce kan mga election materials.
Kadalasan kayang problema tuyong panahon kan eleksiyon an mga piggagamit na plastic sa pagbilog kan mga campaign materials.
Kaibahan na digde an mga basurang nawawalat sa mga lansangan asin nagkuriyat na mga election paraphernalia sa tinampo, poste asin kahoy.
