Photo © web

Pigpapa-imbestigaran ni Atty. Rowena Guanzon an pahayag kan 21-anyos na si Josh Mojica, founder asin CEO kan sarong kangkong chips products, na pigdeklara an sadiri na saro ining “bilyonaryo”.

Sa social media post kan soltero nakabugtak digde an:“21 years old ‘bilyonaryo na,’ ikaw?” Nakaguno ini nin manlaen-laen na reaksiyon asin nagpahayag nin pagdududa, kaibahan na si dating Commission on Elections (Comelec) Commissioner Guanzon.

Inapod ni Guanzon an pahayag ni Mojica na na “peke” asin ipighalimbawa ini ki Edgar “Injap” Sia II, an may kansadiri kan sarong fast food restaurant na pigbibisto komo pinaka-joven na bilyonaryo kan nasyon sa edad na 34.

Kadakol pa sa mga netizens an nagdudad sa claim ni Mojica, asin nagsabing “an tunay na mayaman an dae nagpapasikat” asin inapod an post komo “marketing strategy” o “press release”.

Advertisement

Igwa man nagkapira pang komento nin mas malupit siring kan “fake rich” asin “utak kangkong.”Huli digde, hinamon ni Guanzon an Bureau of Internal Revenue (BIR) na ”paki-check” soboot an tax kan 21-anyos na bilyonaryo.

Nagkapira man an naghapot kun nagbabayad ba si Moijica nin tamang buwis sa Bureau of Internal Revenue (BIR).

Kasuarin sana, sinuspinde kan Land Transportation Office (LTO) an driver’s license ni Mojica makalihis kaining mag-video mantangang naggagamit nin cellphone mantang nagmamaneho nin sports car.

Mayo pang kasimbagan an BIR dapit sa request ni Guanzon siring an soboot pinaka-joven na bilyonaryo na si Josh Mojica.

Advertisement