Para ki Manila 6th District Rep. Benny Abante, kaipuhan an hararumang imbestigasyon sa anggulong inihayag ni Justice Secretary Crispin Remulla na posibleng may koneksyon an Davao Death Squad (DDS) sa paggadan sa mga nawawarang sabungero.
Huli digde, sinabi ni Abante na ini an maray na tutukan man kan House Quad Committee na planong i-convene liwat ngunyan na 20th Congress.
Punto ni Abante, nagluluwas ngunyan na posibleng may koneksyon an iligal na sugal asin man extra judicial killing (EJKs). \
Marurumdumang saro an EJKs sa irarom kan war on drugs kan Duterte administration sa inimbestigaran kan house quad committee sa nakalihis na 19th Congress apwera sa operasyon kan Philippine Offshore Gaming Operators (POGO) asin operasyon kan ilegal na droga.
