Nagsunad nin guilty plea si US Presidential son Hunter Biden sa saiyang federal tax evation case.
Enot ng pigpahimutikan kan 54-anyos na si Biden an alegasyon na naglikay ining bayadan an $1.4-milyon na income tax puon 2016 hasta 2019.
Sa enot na plano kaini, mawot na maglaog sa pig-aapod na Alford plea kun saen aaakuon kaini an mga kaso mantang pigmamantinir an saiyang pagigin inosente sa kaso.
Makalihis na basahon kan piskalya an 56 dahon na hatol kontra sa saiya, nagtugot si Biden na saiyang nagibo an gabos kan mga krimen.
Paliwanag kan abogado kaini na si Abbe Lowell na mawot kan saiyang kliyente na ipadagos an pagdangog para sa kapakanan kan private interest tanganing dae na magtestigo an saiyang mga amigo asin pamilya dapit sa paggamit kaini nin iligal na droga.
Pigsaysay ni Judge Mark Scarsi na an pagsunad nin guilty plea ni Biden an posible ining makulong nin 17 taon asin multa nin kabangang milyong hasta sarong milyong dolyar.Nakatalaan ining basahan nin hatol sa bulan kan Disyembre.
Marurumduman, nanindugan si US President Joe Biden na dae kaini gagamiton an saiyang executive pardon tanganing mapasawarang sala an aki.
