Pigsaysay kan World Health Organization na an huring ospital sa Gaza na nag-aakomodar kan pasyente na igwang kinaaraman sa cancer asin cardiac care an nag-untok na sa operasyon makalihis an pag-atake kan Israel.
Katakod kaini, tolos na pig-ibakwar an mga pasyente na nagtitinir sa nasambitan ng ospital.
Sigun ki UN health agency chief Tedros Adhanom Ghebreyesus na an pag-atake na ini kan Israel sa European Hospital kan Khan Yunis an labing nadanyaran asin dae na ma-access.
Dugang pa kan opisyal, dae na ini functional siringman an WHO team an pig-ibakwar an saindang emergency medical staff na yaon sa lugar.
Huli sa pangyayari, naputol man an kritikal na serbisyo siring kan neurosurgery, cardiac care, asin cancer treatment.
Apwera digde, an pagsarado man kan operasyon kan ospital an nagputol man sa key role kan pasilidad para sa medical evacuations na nagpapalala pa sa sitwasyon.
Mientrastanto, an Doctors Without Borders (MSF) charity pigtawan duon man an epekto kan pagsara kan ospital.
