Nagsumiter an piskalya kan International Criminal Court (ICC) nin listahan kan mga testigo asin ebidensya sa kasong Crimes Against Humanity laban ki dating Presidente Rodrigo Duterte.
An tolong pahinang kompidensyal na dokumento na igwa kan listahan kan mga testigo asin ebidensya isinumitir kan Opisina kan Piskal sa Trial Chamber III.
Sa irarom kan Regulasyon 23bis (1) kan Regulasyon kan Korte, an mga file confidential na pig-file huli igwa ining sensitibong impormasyon kan mga testigo.
Magigirumduman na nahahampang an dating Presidente sa tulong kasong Crimes Against Humanity huli kan saiyang laban kontra sa iligal na droga durante kan saiyang pagtukaw komo presidente kan nasyon na ikinagadan nin 6,000 katao base sa record kan gobyerno mantang nag-aabot na sa labi sa 30,000 an listahan kan human rights groups.
An paglilitis sa dating presidente mapoon sa Nobyembre.
