Pig-anunsyar ni President-elect Donald Trump na an saiyang inagurasyon ikukundisir sa laog kan U.S. Capitol Washington, DC imbes na sa tradisyonal sa luwas, nin huli ta piglalaomang matinding lipot kan panahon.
An desisyong ini ay nagmarka nin enot na pagkakataon sa laog kan 40-taon na pigbalyo an seremonya sa laog.
Ipinaliwanag ni Trump an saiyang mga kahaditan dapit sa mga posibleng peligro kan lipot, asin sinabi kaining dae mawot na malaag sa alanganin an mga ma-atendir nin huli ta matinding lipot na naeeksperyensyahan sa nasyon.
Piglaoman na magigin mas malipot pa an temperatura sa US huli man sa naeekperyansyahang wind chill, na mapababa sa namamatiang kamgtakan kan panahon na pwede pang mag abot sa freezing point.
Kan 1985 pigprobaran man ni Former President Ronald Reagan na ibalyo sa laog an saiyang inauguration huli sa kaparehong matinding lipot.
Sa pagkakataong ini, naireport an an wind chill, bumagsak sa -10 hasta -20 degrees Fahrenheit. Mientrastanto pigbalyo man an parada ni Trump sa Capital One Arena, sarong sports stadium sa downtown Washington.
Bako man malinaw kun pano isasagibo an parada sa laog kan arena, alagad plano ni Trump na magsabay sa mga tao duman pagkatapos kan saiyang panunumpa.
