Aram baya nindo mga ka-Bombo, igwang grupo kan mga researchers sa University of California an nagkriar kansuarin sana nin self-powered throat patch na naggagamit nin machine learning tanganing isalin an mga paghiro kan kalamnan sa pagtataram na nakakatabang sa mga tawo na magtaram maski mayong vocal cords.
Si Jun Chen, sarong assistant professor kan bioengineering sa University of California, Los Angeles an nagkaigwa nin ideya para sa sarong non-invasive speech-enable device makalihis mamatean an saiyang vocal cords na napagal komo resulta kan lecture nin pirang oras.
Nagpuon ining mag-isip nin mga paagi tanganing matabangan an sarong tawo na magtaram na dae piggagamit an saindang vocal cords, asin sa tabang kan saiyang mga kaibahan sa Unibersidad, nagdisenyo ini nin sarong patch na nagdudukot sa halunan na naggagamit kan teknolohiya na AI tanganing i-decode an paghiro kan saindang kalamnan sa talumpati.
An magian na device an naglalaban sa ganot kan kublit asin piggagamit man kaini an mga hiro kan kalamnan tanganing makabuo nin kuryente na boot sabihon dae ini nangangaipuhan nin baterya tanganing maggana.
