NAGA CITY-Handa aniya ang Israel sa pag-atakeng inilunsad ng Iran kontra sa kanila.
Sa report ni Bombo International News Correspondent Rufino Pinoy Legarda Gonzales galing sa nasyon ng Israel, kanyang isinaysay na na-aanticipate ng Israel Military ang paglunsad ng missiles at drone attack ng Iran, ngunit tuloy-tuloy pa rin ang kanilang pagbabantay lalo na at nagkaroon ng movements sa panig ng Iranian Military.
Ayon pa kay Gonzales, naka-full alert ang Israel sa ngayon kung saan kanilang binigyan ng babala ang kanilang mga residente na maging alerto.
Dagdag pa ni Gonzales, mayroong mga residente at mga parte ng Filipino community na nagtatago sa mga bunker upang makaiwas sa pag-atake ng Iran.
Binigyan diin ni Gonzales na lalo pang lalala ang tensyon sa gitna ng dalawang nasyon dahil sa mga
nangyayari sa presente.
Sa ngayon, ito ay umaasa na matatapos na ang gulo sa nabanggit na lugar upang maging mabuti na muli at ligtas ang buhay ng mga inosenteng tao at matigil na ang pagdaloy ng dugo.
