Naghiras nin kaaraman an Digital Pinoy National Campaigner pag abot sa online gambling na nag sikat na naman huli sa sarong post o marketing strategy sa social media platform.
Sa intrevista kan Bombo Radyo Naga kay Ronald Gustilo (Digital Pinoys National Campaigner), ipinaliwanag kaini na an online gambling an igwa sanang specific audience na tinutugan na mag access na iyo an mga nasa edad na 21-anyos pataas sana.
Susog kay Gustilo an saindang marketing strategy iyo an sala huli sa rason na kadakol an pwedeng makahiling asin mag access sa online gambling na menor de edad, orog na dapat an saindang marketing stretegy pag abot sa online gambling an dapat igwang patanid sa mga tawo na edad 21- anyos pataas an dapat mag register sa arog kaidtong aktibidad.
Mientrastanto, dae ini tig kukunsiderar na pirming gibuhon na marketing strategy huli sa igwa nin mga nag gagamit nin social media platform na dae laog sa age group kan arog kaitong aktibidad.
Dugang pa kaini na kaya igwa nin age barriers para dae ma expose, an mga jovenes sa online gambling alagad an mga content creator mismo an nag eexpose asin nag tutukdo sa mga menor de edad kun pano sinda marketing strategy
Nangapudan si Gustilo sa Pagcor asin Meta na mag gibong aksyon para sa arog kaining promotion sa social media sagod na mas higotan an mga polisiya.
Susog ki Gustilo an pagiging influencer an ginagamit sa tamang paagi asin para mag hiras nin kaaraman sa publiko. Pig tawan duon pa kaini na dae dapat pag inkaminaron an mga tawo na mag gamit o follow sa mga online gambling para dae mag kaigwa nin ano man na problema.
