Naresolberan na kan management kan Naga City General Hospital an kaso kan suboot maltrato kan sarong nurse sa ospital.
Sa intrevista kan Bombo Radyo Naga ki Anselmo B. Maño, City Human Resource Management Officer, sinaysay kaini na nagkaigwa nin dayalogo an complainant asin an pigrereklamong nurse, asin naresolberan na amicably an isyu.
Segun sa opisyal, pigbura na ngunyan an post na enot na naglakop sa social media katakod kan reklamo kan sarong netizen dapit sa suboot pagbulong sa nasambitan ng nurse sa ospital.
Lininaw man kan management na posibleng inabot nin pirang minuto an pagpabulong sa pasyente huli sa kadakol na kaso na pig-aasikaso sa ospital kan panahon na ito.
Hinagad kan opisyal an pag-intindi kan publiko asin nagpromesa na padagos na ipapauswag an kalidad kan serbisyo sa mga pasyenteng nangangaipo nin atensyon medikal.
Segun saiya, naggigibo man nin lakdang an ospital tangani na mas mapagayon pa an saindang serbisyo para sa mga residentes kan Naga.
