Naghadi nanaman an Pilipinas sa kawat na bilyar makalihis makua an kapangganahan ni Johann Chua sa Knight Shot 9-ball Open sa Impulse Snooker & Billiards Cafe, Oud Metha, Dubai, UAE.
Tiniris ni 2013 World Cup of Pool co-champion Chua si Fedor Gorst, kan Russia sa skor na 13-6, sa saindang Race-to-13 finals match kasuudma nin mag-oomagahon(local time) tanganing makasikwat liwat nin titulo sa event na pigbalihan kan mga tigasing bilyarista sa bilog na kinaban.
Nanutaran kan pagiging relax an 33-anyos na si Chua dawa umalagwa tulos si 2019 WPA World Nine-ball championship ruler, Gorst, 1-3 makalihis an rack four.
Naggibo man nin apat na kapangganahan si Chua tanganing maagaw an kalamangan sa skor na 4-3 palaog kan rack 8.
Pagkatapos kan 13th rack kun saen, lamang pa man si Chua, sa skor na 7-6, rumatsada ini nin anom na kapangganahan tanganing tapuson na si Gorst asin hablutin an korona.
