Nagtao nin kasiertuhan an 26 na mga nasyon na magpakuriyat kan saindang mga soldados sa Ukraine enkaso nagkaigwa na nin ceasefire deal sa pag-ultanan ninda kan Russia.
Ini an nagin kasimbagan kan mga European countries na nag-atender sa Coalition of the Willing summit sa France.
Sigun ki French President Emmanuel Macron, na tolos sindang magpapadara nin mga puwersa tanganing dae utruhon pa kan Russia an ginibo kaining pag-atake na nagpuon pa kan 2022.
Nakaulay naman kaini si US President Donald Trump kun saen preparado soboot na magpadara nin mga soldados an US.
Pig-enkaminar man ni Trump an mga European Union na dapat dae na sinda mabakal nin mga krudo gikan sa Russia.
Marurumduman, nagkaigwa nin personal na pag-uulay sinda Trump asin Russian President Vladimir Putin siringman ki Ukraine President Volodymyr Zelensky tanganing ibusol an pagtatapos na kan giyera sa pag-ultanan kan duwang nasyon.
