Nagtinir na present man giraray si Kai Sotto para sa Gilas Pilipinas kan madaog an Macau Black Bears kan nakalihis na aldaw, komo parte pa kan preparasyon para sa 2025 FIBA Asia Cup.
An 7-foot-3 ace, na presenteng nagpaparahay sa saiyang nagin injury na anterior cruciate ligament (ACL) na pigmati kan nakalihis pang bulan nin Enero sa Japan B.League, pigsierto na yaon man giraray an bilog na suporta para sa saiyang mga kaibahan sa kawat para sa send-off game sa Araneta Coliseum.
Aminado si Sotto, na labing manunundo ini sa pagka-miss sa pagkakawat sa court.
Sa kasamaang palad para ki Sotto na nasa ikapitong bulan kan saiyang recovery sa Agosto, mapapalampas kaini an trip kan Gilas sa Jeddah huli ta nakatalaan ining magbweltada sa Japan.
Sigun pa ki Kai, nagigin marahay na man an estado kan mga tuhod alagad dae pwede na hidalion an recovery.
Sa ngunyan, sa ibong kan katotohanan na dae masusuportaran kan dating Ateneo High School star an Nationals sa Jeddah, nagtitinir man giraray na aktibo ini sa pag paabot nin suporta sa team
