Medyo funny kay House Senior Deputy Speaker asin Iloilo Rep. Janette Garin na an Office of the Vice President (OVP) naghahagad sa Senado na bayadan an gastos sa pagkakan, inomon, asin serbisyo sa pag-lilitis para sa defense team, support staff, asin mga testigo sa panahon kan impeachment trial.
Sinabi ni Garin na dae pa niya nabasa an surat na pinirmahan ni Bise Presidente Sara Duterte, alagad sa hiling niya highly improper na an Senado an mag-shoulder kan mga gastos.
An rason ni Garin na responsibilidad ini kan Office of the Vice President (OVP) alagad igwang opisina si VP Duterte, kaya dapat sinda na an magbayad kan pagkakan mantang padagos pa an trial.
Paliwanag ni Garin, sarong impeachment court an Senado, kun kaya an kahagadan kan OVP pwedeng interpretaron na kawaran nin respeto sa korte.
Dugang pa ni Garin, nakaka-insulto man sa senado na pigdududahan pa na posibleng bako nin safe an iseserve nindang kakanon kun bako ini na pinili kan OVP.
