Direktang sinimbag ni Bise Presidente Sara Duterte sa mga espekulasyon na mabutas ini sa pwesto sa tahaw kan nagpapadagos na Impeachment Trial kontra saiya.
Sa sarong halipot na interbyu saiya na ipinaabot sa sarong online page, nag-insistir an bise presidente na dai ini mangyayari. Pinahimutikan kaini na mabutas ini siya huli magiging pagtraydor ini sa 32.2-M na Pilipino na nagboto saiya.
Idinagdag pa kan opisyal na “kung nais umano ni PBBM (Pangulong Bongbong Marcos), maaari niyang gawin ang lahat para mapatalsik siya sa pwesto.”
Mientrastanto, si VP Sara presenteng nagbibiyahe pasiring sa Europa para sa saiyang mga overseas trips kaiba an mga community engagement sa mga overseas Filipino workers (OFWs).
Kan Sabado, an bise presidente yaon sa London kun saen nag-atender siya sa sarong pagtiripon. Sa saiyang diskurso, pigmundo niya an lakop na soboot “mga buaya” sa gobyerno.
Pigkritika man kaini an gobyerno, na saiyang kinabibilangan, huli dai kayang magtao nin oportunidad sa mga namamanwaan tanganing dai na sinda magduman sa ibang nasyon tanganing magtrabaho.
Kan nakaaging semana, nagpasiring si VP Sara sa The Hague, Netherlands kun sain presenteng detenido an saiyang ama na si dating Presidente Rodrigo Duterte.
