Nagpuon nang mag-ikot an gobierno tanganing magsagibo nin konsultasyon sa kada sektor para sa Trabaho sa Bayan Plan.
An Trabaho sa Bayan Plan an sarong sampulong taong plano tanganing tawan nin buhay an labor market sa nasyon.
Sigun ki National Economic and Development Authority (NEDA) Usec. Rosemarie Edillon, ginigibo ninda ini huli ta napansin kan gobierno na maski nagbaba an unemployment rate sa nasyon an mas halangkaw pa man giraray an under employment.
Importante soboot ini tanganing gibuhong de kalidad an mga trabaho asin masimbagan an pirmeng reklamo kan employers na job mismatch.
Obheto man kan lakdang an makahanap nin employment opportunities sa mga bagong graduate huli sa problemang dipisil makakua nin trabaho huli ta mayo sindang bastanteng eksperyensiya.
Dugang pa ni Edillion, kaipuhang pakusugon an mekanismo sa labor market tanganing marhay na maipreparar an mga obrero sa maabot na panahon.
