Matinir na ‘forever’ sa Ombudsman an kopya kan mga isinumiter na Statement of Assets, Liabilities and Networth o SALN gikan sa mga opisyal kan gobyerno.
Ini mismo an kinumpirmar ni Assistant Ombudsman Mico Clavano, presenteng tagapagtaram kan Office of the Ombudsman.
Matinir soboot na ‘virtually forever’ an kopya kan mga nasambitan ng dokumento na isinumiter sa opisina maski pa makalihis an prescriptive period na ipigtalaan.
Panundonan kaya kan Ombudsman na sa laog sana kan 20 taon ninda igigilid an naresebir na mga kopya o physical copies kaini.
Sigun ki Assistant Ombudsman Mico Clavano, alinsunod o nakabase soboot an nasambitan ng 20 years prescriptive period sa RA 3019 ao an Anti-Graft and Corrupt Policies Act.
Huli digde, ipinaliwanag ni Assistan Ombudsman Clavano kun tano asin para saen magagamit an mas pinalabang taon sa pagmamantinir kan kopya kan SALN.
Kun ikukumparar kaya sa panayon ni Ombudsman Samuel Martires, antes si Ombudsman Jesus Remulla, an nasambitan ng dokumento an pigraraot o pigpapakit makalihis an sampulong taon puon kan ini maresebir.
Alagad nilinaw ni Ombudsman Spokesperson Clavano na alagad maski pwede ining ma-access forever virtually, dae soboot ini nangangaulugan na magagamit komo ebidensiya enkaso maglampas na sa prescriptive period.
Kaya man dara kaini, ipigheras ni Assistant Ombudsman Clavano an importansiya na mamantinir an mga pigsusumiter na SALN kan mga opisyal.
Magagamit soboot ini tangankng mapagkumparar an accumulation of wealth o kayamanan kan sarong lingkod bayan sa nagkapirangbtaon asin komo tool na man para sa lifestyle checking.
