Kinumpirma kan kampo ni Vice President Sara Duterte na opisyal na ninda naresibe an orden hale sa Quezon City Regional Trial Court (RTC) Branch 98 na nagpapatunay sa pagbasura kan saindang motion for inhibition kontra sa presiding judge kan kaso.
An orden na ini konektado sa tulong beses na demanda nin grave threats kontra sa Bise Presidente na nagpoon sa saiyang mga pampublikong pahayag kontra sa nagkapirang halangkaw na opisyal kan nasyon.
Partikular na kina Pangulong Ferdinand Marcos Jr., First Lady Liza Marcos, asin dating House Speaker Martin Romualdez.
Segun sa abogado kan Bise Presidente na si Atty. Paul Lawrence Lim, gagamiton kan saindang lado an gabos na available legal remedies mantang padagos na masunod sa orden kan korte manungod sa sub judice rule.
Sa irarom kaini, mahigot na ipinagbabawal sa magkabilang lado na pag-ulayan sa publiko o sa media an merito kan nakabinbing kaso bilang paggalang sa rule of law.
