Hinampang ni Bise Presidente Sara Duterte an Quezon City Regional Trial Court Branch 98 ngonian na aldaw, pasado alas-8:00, para sa saiyang opisyal na arraignment manungod sa tulong counts nin kasong grave threats.
Piglalaoman na pormal na babasahon nin sakdal an Bise Presidente asin hihilingon an saiyang plead kun “guilty” o “not guilty” sa mga akusasyon kan korte.
Naggikan an mga kaso sa pormal na pagfile kan Department of Justice kan Agosto matapos an saiyang mga pahayag sa sarong online press conference kan Nobyembre 2024 manungod sa pagkuha nin hitman laban ki Presidente Ferdinand Marcos Jr., First Lady Liza Araneta-Marcos, asin dating House Speaker Martin Romualdez kun siya magadan, sarong bagay na saiya man na inenegar.
Naenot nang naoktaba an nasabing pagbasa nin sakdal kan Setyembre 11 bago ini ipinadagos ngonian na aldaw matapos siyang mag-post nin piyansang P120,000 para sa kada counts kan Setyembre 5 matapos magpaluwas nin arrest warrant an korte.
An isyu manungod sa sinasabing pananakot asin pagbabanta kabali man sa mga pangenot na artikulo asin basehan kan kinakaharap niyang impeachment trial sa Senado.
