NAGA CITY- Gadan an sarong lalaki makalihis na badilon kan saiyang sadiring tugang sa Tiaong, Quezon.
Binisto an nagadan na si Joelito Franco Moog, 40-anyos mantang irido man si Leo Christian Rubby, 36-anyos.
Burat suboot an duwang biktima siring man an suspek na si Jimmy Franco Moog, 54-anyos kan mangyari an krimen sa barangay San Juan.
Igwa suboot nin kulog boot sa kada saro an duwa na nagresulta sa pambabadil ni Jimmy sa joven kaining tugang na si Joelito.
Tulos man na pigdalagan sa ospital an duwang biktima alagad pigdeklarar nang dead on arrival kan mga doktor si Joelito mantang binubulong pa man si Rubby na nagsapo nin lugad.
Narekober man kan mga otoridad sa pinangyarihan kan pambabadil an tolong basyo para sa sarong 12 gauge shotgun na ginamit sa krimen.
Sa ngonyan, padagos an ginigibong hot pursuit operation kan mga pulis para madakop an nagdulag na suspetsado.
